ՈՍՏԻԿԱՆՈՒԹՅԱՆ 6-ՐԴ ՎԱՐՉՈՒԹՅԱՆ ԱՇԽԱՏԱԿԻՑՆԵՐԸ ԲԱՑՈՒՄ ԵՆ
«ԲՋՆԻ» ԳՈՐԾԱՐԱՆԻՑ ԱՌԳՐԱՎՎԱԾ ԵՎ ԿԱՊԱՐԱԿՆՔՎԱԾ ՀԱՄԱԿԱՐԳԻՉՆԵՐԸ
14-11-2007 19:00:00 | Հայաստան | Հասարակություն
ԵՐԵՎԱՆ, 14 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՀՀ Ոստիկանության
Կազմակերպված հանցագործության դեմ պայքարի` 6-րդ, վարչության
աշխատակիցները «Բջնի» հանքային ջրերի գործարանից առգրավված եւ
կապարակնքված համակարգիչները բացում են առանց գործարանի
ներկայացուցչի: «Սիլ Կոնցեռն»-ի գրասենյակից «ՆՈՅՅԱՆ ՏԱՊԱՆ»-ի
թղթակցին հայտնեցին, որ ըստ իրենց տեղեկությունների համակարգիչների
մեջ գրանցում են կեղծ տեղեկություններ` Երեւանի սուպերմարկետներում
եւ խանութներում «Բջնի» հանքային ջրի ստացման եւ վաճառքի մասին:
Հիշեցնենք, որ նույն վարչության աշխատակիցները նոյեմբերի 5-ին
«Բջնի»-ի գործարանի առգրավել էին ոչ միայն համակարգիչները, այլ
նաեւ գրանցամատյանները, ինչի պատճառով գործարանը մինչ օրս չի
աշխատում: Իսկ Երեւանի մի շարք խանութներում անցկացվել են
ստուգումներ կապված «Բջնի» հանքային ջրի մատակարարումների հետ: