ԵՐԵՎԱՆ, 14 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ֆուտբոլի Հայաստանի երիտասարդական հավաքականը ավագ մարզիչ Վարուժան Սուքիասյանի գլխավորությամբ նոյեմբերի 13-ին մեկնեց Ֆրանսիա: Հայ ֆուտբոլիստները նոյեմբերի 15-ին ընկերական հանդիպում կունենան ֆրանսիայի իրենց հասակակիցների հետ: Հանդիպումը նախապատրաստական փուլ կհանդիսանա Եվրոպայի առաջնության ընտրական փուլի խմբային մրցաշարի ծրագրով նոյեմբերի 17-ին Լիխտենշտեյնում տեղի թիմի հետ կայանալիք պատասխան խաղից առաջ: Խմբային մրցաշարում Հայաստանի հավաքականին մնում է անցկացնել եւս 2 խաղ` Թուրքիայի թիմի հետ: Դրանք նշանակված են 2008թ-ին:

---