ԲՐՅՈՒՍԵԼ, 8 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ԵՄ անդամ երկրների ներքին գործերի նախարարները պայմանավորվել են 2007 թվականի դեկտեմբերի 21-ից Շենգենյան գոտու ընդլայնման վերաբերյալ: Այս մասին ասվում է նոյեմբերի 8-ին Բրյուսելում ընդունված փաստաթղթում: Անայցագրային կարգի եվրոպական գոտուն կմիանան ինը երկրներ` Լատվիան, Լիտվան, Էստոնիան, Լեհաստանը, Չեխիան, Սլովակիան, Հունգարիան, Սլովենիան եւ Մալթան: Ընդունված փաստաթղթում ասվում է, որ այդ երկրները բավարարում են նախապայմաններին, որ անհրաժեշտ են «2007 թվականի դեկտեմբերի 21-ից սկսած` ցամաքային եւ ջրային սահմանների համար, եւ 2008 թվականի մարտի 30-ից` օդային սահմանների համար, ներքին սահմանների վերահսկողությունը» վերացնելու համար:

---