2008 Թ.-ԻՆ ԵՐԵՎԱՆՈՒՄ ՆԱԽԱՏԵՍՎՈՒՄ Է ԻՐԱԿԱՆԱՑՆԵԼ 13,9 ՄԼՐԴ
ԴՐԱՄԻ ՔԱՂԱՔԱՇԻՆԱԿԱՆ ԾՐԱԳՐԵՐ
30-10-2007 20:00:00 | Հայաստան | Տնտեսություն
ԵՐԵՎԱՆ, 30 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ՀՀ 2008թ.-ի պետբյուջեի
նախագծով Երեւանի 12 համայնքների տեղական ինքնակառավարման
մարմիններին ֆինանսական համահարթեցման սկզբունքով տրվող
դոտացիաների ծավալը կկազմի 6,786 մլրդ դրամ, ինչը 1,1 մլրդ դրամով
(մոտ 3,3 մլն ԱՄՆ դոլար) ավելի է 2007թ.-ի համապատասխան
ցուցանիշից: Երեւանի քաղաքապետարանը գալիք տարվա համար հայտավորել
է 13,9 մլրդ դրամի համաքաղաքային կապիտալ ծախսեր: Այս մասին
Ազգային Ժողովի մշտական հանձնաժողովների հոկտեմբերի 30-ի համատեղ
նիստում հայտնեց Երեւանի փոխքաղաքապետ Կամո Արեյանը:
Ըստ նրա, հայտավորված գումարը ուղղվելու է Երեւան քաղաքում
ճանապարհաշինական, ճանապարհների հիմնանորոգման, երրորդ աստիճանի
վթարային շենքերի ամրացման, չորրորդ աստիճանի վթարային շենքերի
քանդման եւ նորերի կառուցման, ոռոգման ցանցի վերականգնման, ջրային
կառույցների պահպանման, փողոցների արտաքին լուսավորության
շահագործման ծրագրերի իրկանացմանը: