2008 Թ.-ԻՆ ԵՐԵՒԱՆՈՒՄ ՆԱԽԱՏԵՍՒՈՒՄ Է ԻՐԱԿԱՆԱՑՆԵԼ 13,9 ՄԼՐԴ
ԴՐԱՄԻ ՔԱՂԱՔԱՇԻՆԱԿԱՆ ԾՐԱԳՐԵՐ
30-10-2007 20:00:00 | Հայաստան | Տնտեսութիւն
ԵՐԵՎԱՆ, 30 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ՀՀ 2008թ.-ի պետբիւջէի
նախագծով Երեւանի 12 համայնքների տեղական ինքնակառավարման
մարմիններին ֆինանսական համահարթեցման սկզբունքով տրուող
դոտացիաների ծաւալը կկազմի 6,786 մլրդ դրամ, ինչը 1,1 մլրդ դրամով
(մօտ 3,3 մլն ԱՄՆ դոլար) աւելի է 2007թ.-ի համապատասխան
ցուցանիշից: Երեւանի քաղաքապետարանը գալիք տարուայ համար հայտավորել
է 13,9 մլրդ դրամի համաքաղաքային կապիտալ ծախսեր: Այս մասին
Ազգային Ժողովի մշտական յանձնաժողովների հոկտեմբերի 30-ի համատեղ
նիստում յայտնեց Երեւանի փոխքաղաքապետ Կամո Արէեանը:
Ըստ նրա, հայտավորված գումարը ուղղուելու է Երեւան քաղաքում
ճանապարհաշինական, ճանապարհների հիմնանորոգման, երրորդ աստիճանի
վթարային շէնքերի ամրացման, չորրորդ աստիճանի վթարային շէնքերի
քանդման եւ նորերի կառուցման, ոռոգման ցանցի վերականգնման, ջրային
կառոյցների պահպանման, փողոցների արտաքին լուսաւորութեան
շահագործման ծրագրերի իրկանացմանը: