ՌՈՒՍԱՍՏԱՆԸ ՃԱՆԱՉՈՒՄ Է ԽԱՂԱՂ ՄԻՋՈՒԿԱՅԻՆ ԷՆԵՐԳԻԱՅԻ ԲՈԼՈՐ
ԱԶԳԵՐԻ ԻՐԱՎՈՒՆՔԸ
30-10-2007 14:39:00 | ԱՄՆ | Միջազգային
ՆՅՈՒ ՅՈՐՔ, 30 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ռուսաստանը ճանաչում
է խաղաղ միջուկային էներգետիկա ունենալու բոլոր ազգերի իրավունքը,
իսկ Անգարսկում ստեղծված ուրանի հարստացման միջազգային կենտրոնը
բաց է բոլոր երկրների համար: Այս մասին հոկտեմբերի 29-ին ՄԱԿ-ի
Գլխավոր վեհաժողովի նիստում հայտարարել է Ռուսաստանի մշտական
ներկայացուցիչ Վիտալի Չուրկինը:
Ըստ Ռուսաստանի ներկայացուցչի, այդ կենտրոնն ընդունակ է
կարեւոր դեր խաղալու միջուկային չտարածման գործընթացում`
ապահովելով խաղաղ միջուկային էներգիայի մատչելիություն այն
երկրների համար, որոնք կատարում են իրենց հանձնառությունները այդ
ոլորտում:
Ռուսաստանը կանխավ առաջարկել էր Իրանին օգտվել իր տարածքում
ուրանի հարստացման ծառայություններից, որպեսզի վերացնի միջազգային
հանրության կասկածները Թեհրանի միջուկային ծրագրերի առնչությամբ:
Սակայն երկրի իշխանությունները նախընտրեցին չհրաժարվել հարստացման
սեփական նախագծից, որը, ինչպես երկյուղում է համաշխարհային
հանրությունը, կարող է օգտագործվել ռազմական նպատակներով:
Չուրկինը ՄԱԿ-ի պետություններին խաղաղ ատոմի զարգացման
ոլորտում միջազգային կոոպերացիայի կոչ է արել նաեւ: