ՃԱՊՈՆԻԱՆ ԿԱՍԵՑՐԵԼ Է ՄԱՍՆԱԿՑՈՒԹՅՈՒՆԸ ԱՖՂԱՆՍՏԱՆԻ
ԳՈՐԾՈՂՈՒԹՅԱՆԸ
29-10-2007 21:15:00 | Ճապոնիա | Միջազգային
ՏՈԿԻՈ, 29 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ճապոնացի լցարկողները
դադարեցնում են վառելիքի եւ ջրի տրամադրումը կոալիցիայի նավերին,
որոնք ներգրավված են Աֆղանստանյան խաղաղարարական առաքելության մեջ,
հաղորդում է «Կիոդո Ցուսին» գործակալությունը` վկայակոչելով
Ճապոնիայի պաշտպանության նախարարության աղբյուրներ:
Ըստ աղբյուրի, հոկտեմբերի 29-ին իրականացվել է պակիստանյան
ռազմական նավատորմի ականակրի վերջին լցարկումը, որով էլ ճապոնացի
լցարկողների գործունեությունը դադարեցվել է:
Դա կապված է ահաբեկչության դեմ պայքարի մասին հատուկ օրենքի
գործողության ժամկետի ավարտի հետ, որի հիման վրա ճապոնական նավերը
2001 թվականի դեկտեմբերից գտնվում էին Հնդկական օվկիանոսում:
Օրենքը ուժը կորցնում է նոյեմբերի 1-ից:
Ինչպես սպասվում է, մինչ այդ երկրի պաշտպանության նախարար
Սիգերու Իսիբան հրամանագիր կստորագրի այդ շրջանից նավերը ետ
կանչելու մասին: