ԿԱՊԱՆ, 26 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ՀՀ նախագահ Ռոբերտ
Քոչարյանի մասնակցությամբ հոկտեմբերի 26-ին տեղի ունեցավ
Կապան-Շիկահող-Մեղրի 90,7 կմ այլընտրանքային ավտոճանապարհի
հանդիսավոր բացման արարողությունը: Նախագահի խոսքերով,
այլընտրանքային ճանապարհը անհրաժեշտ էր Իրանի հետ համատեղ խոշոր
ծրագրերի իրականացման հեռանկարի առումով: Իսկ տվյալ ծրագիրը, ըստ
Ռ.Քոչարյանի, իր շարունակությունը կունենա` կկառուցվի Կապան-Սիսիան
ճանապարհը, որը կշրջանցի Գորիս քաղաքը:
Կապան-Շիկահող-Մեղրի ավտոճանապարհի 2005թ.-ից սկսված
շինարարության համար պետբյուջեից հատկացվել էր 15 մլրդ 175 մլն
դրամ: Շինաշխատանքներն իրականացրել են Կապանի «Ճանշին», Մեղրու
«Ճանշին», ԼՂՀ-ի «Դորոժնիկ» եւ «Կապավոր» ընկերությունները: