ՎԱՐՇԱՎԱ, 18 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ամերիկյան կալանիչ հրթիռները հարկավոր են Լեհաստանին Ռուսաստանից պաշտպանվելու համար: Այս մասին, ինչպես հաղորդում է «Ռոյթեր» գործակալությունը, հոկտեմբերի 18-ին հայտարարել է Լեհաստանի վարչապետ Յարոսլավ Կաչինսկին: «Դա կամրացնի մեր անվտանգությունը... Մենք պետք է հիշենք, որ մշտապես գտնվում ենք սպառնալիքի տակ: Ռուսները չհամակերպվեցին 1989 թվականից տեղի ունեցած փոփոխություններին: Ակնհայտ է, որ նրանք համարում են, որ մենք գտնվում ենք իրենց ազդեցության գոտում»,- մամլո ասուլիսում հայտարարել է Կաչինսկին ի պատասխան այն հարցին, թե ինչու է Լեհաստանն ուզում իր տարածքում տեղակայել ամերիկյան կալանիչ հրթիռներ: ԱՄՆ-ը պնդում էր, որ հրթիռները տեղակայվում են իրանական հրթիռների դեմն առնելու համար: ԱՄՆ-ը մտադրվել է Լեհաստանի տարածքում տեղակայել 10 կալանիչ հրթիռներ, իսկ Չեխիայում` ՀՀՊ համակարգի ռադարներ:

---