ԱՐԱ ԱԲՐԱՀԱՄՅԱՆԸ ԸՆՏՐՎԵԼ Է ԵՐԵՎԱՆԻ ԹԻՎ 163 ԴՊՐՈՑԻ
ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԱԽԱԳԱՀ
17-10-2007 19:30:00 | Հայաստան | Հասարակություն
ԵՐԵՎԱՆ, 17 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Համաշխարհային հայկական
կոնգրեսի նախագահ Արա Աբրահամյանը Երեւանի թիվ 163 դպրոցի
մանկավարժական խորհրդի որոշմամբ ընտրվել է դպրոցի հոգաբարձուների
խորհրդի նախագահ: Այս մասին Հայաստանում եւ Արցախում անցկացվող
Համաշխարհային հայկական կոնգրեսի (ՀՀԿ) եւ Ռուսաստանի հայերի
միության (ՌՀՄ) օրերի շրջանակներում հոկտեմբերի 17-ին դպրոցում
կազմակերպված միջոցառման ժամանակ հայտնեց դպրոցի տնօրեն Կարեն
Շահբազյանը:
ՀՀԿ եւ ՌՀՄ փոխնախագահ Վլադիմիր Աղայանը իր ելույթում նշեց,
որ 2005թ.-ից իրենք իրականացնում են Հայաստանի տարբեր ոլորտների
կազմակերպություններին համակարգիչներ տրամադրելու ծրագիրկ, որի
շրջանակներում արդեն հատկացվել են 1000-ից ավելի համակարգիչներ,
որից մոտ 600-ը` դպրոցներին: Երեւանի թիվ 163 դպրոցում
համակարգչային դասարան հիմնելու նպատակով դպրոցին նվիրաբերվեցին
անհրաժեշտ բոլոր սարքավորումներով 5 համակարգիչներ: