ՍՏՈԿՀՈԼՄ, 8 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Շվեդիայում սկսվում է
106-րդ Նոբելյան շաբաթը: Այն բացվում է Թագավորական ինստիտուտում
ֆիզիոլոգիայի եւ բժշկագիտության բնագավառի դափնեկրի անվան
հրապարակմամբ:
Ֆավորիտների թվում նշվում են տարբեր երկրների գիտնականների
անուններ, որոնք ուսումնասիրել են բջիջների` այսպես կոչված «մարմնի
ջերմաչափների» ռեցեպտորների մեխանիզմները, հայտնագործել են
ցողունային բջիջները, ինչպես նաեւ հայտնաբերել են այսպես կոչված
մարմնաչափները, որ ձեւավորում են էնզիմ, որը բջիջները պահպանում է
երիտասարդ:
Ամենանշանավոր գիտական մրցանակը ներառում է հինգ անվանակարգ`
ֆիզիոլոգիա եւ բժշկագիտություն, ֆիզիկա, քիմիա, գրականություն եւ
խաղաղության մրցանակ: Հոկտեմբերի 9-ին կհայտրարվի ֆիզիկայի
հանձնախմբի որոշումը, հոկտեմբերի 10-ին` քիմիայի, 11-ին`
գրականության, եւ հոկտեմբերի 15-ին կհրապարակվի «Նոբելի հիշատակի
էկոնոմիկայի մրցանակի» դափնեկրի անունը, որ հիմնել է Շվեդիայի
բանկը 1968 թվականին: Հոկտեմբերի 12-ին Օսլոյում հայտնի կդառնա
խաղաղության մրցանակի դափնեկիրը: