ԸՆԴՈՒՆՎԵԼ Է ՄՇԱԿՈՒԹԱՅԻՆ ԱՐԺԵՔՆԵՐԻ ՀԱՓՇՏԱԿՄԱՆ ՊԱՅՔԱՐՈՒՄ ԱՊՀ
ՊԵՏՈՒԹՅՈՒՆՆԵՐԻ ՀԱՄԱԳՈՐԾԱԿՑՈՒԹՅԱՆ ՄԱՍԻՆ ՀԱՄԱՁԱՅՆԱԳՐԻ ՆԱԽԱԳԻԾ
05-10-2007 18:45:00 | Տաջիկստան | Մշակույթ
ԴՈՒՇԱՆԲԵ, 5 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 4-ին
Դուշանբեում տեղի ունեցած ԱՊՀ մասնակից պետությունների ԱԳ
նախարարների խորհրդի նիստին Հայաստանի պատվիրակությունը գլխավորել
է ԱԳ նախարարի տեղակալ Գեղամ Ղարիբջանյանը:
Նիստի օրակարգի հարցերից առաջին հերթին քննարկվել է ԱՊՀ
հետագա զարգացման հայեցակարգի եւ դրա իրականացման հիմնական
միջոցառումների ծրագրի վերաբերյալ որոշումը:
ԱԳ նախարարները քննարկել են նաեւ ԱՊՀ մասնակից պետությունների
համաձայնեցված միգրացիոն քաղաքականության վերաբերյալ առաջարկները:
Ըստ ՀՀ ԱԳՆ Մամուլի եւ տեղեկատվության վարչությունից «ՆՈՅՅԱՆ
ՏԱՊԱՆ»-ին տրամադրած հաղորդագրության, նիստի ընթացքում առանց
առարկությունների ընդունվել է հայկական կողմի առաջարկած
«Մշակութային արժեքների հափշտակման պայքարում եւ դրանց վերադարձի
ապահովման ԱՊՀ մասնակից պետությունների համագործակցության մասին»
համաձայնագրի նախագիծը: