ԻՍՐԱՅԵԼԸ ԳԱԶԱՅԻ ՀԱՏՎԱԾԸ ՀԱՅՏԱՐԱՐԵԼ Է «ԹՇՆԱՄԱԿԱՆ
ԿԱԶՄԱՎՈՐՈՒՄ»
19-09-2007 20:26:00 | Իսրայել | Միջազգային
ԹԵԼ ԱՎԻՎ, 19 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Իսրայելի
կառավարությունը Գազայի հատվածը հայտարարել է «թշնամական
կազմավորում»:
Ինչպես հաղորդում են իսրայելական լրատվամիջոցները, այդ
հայտարարությունից հետո Իսրայելը նպատակ ունի դադարեցնել ջրի,
էլեկտրականության եւ վառելիքի մատակարարումը Գազա:
Նշվում է, որ Իսրայելի Ազգային անվտանգության խորհուրդը
այդպիսի որոշում է ընդունել ի պատասխան 2 շաբաթ առաջ Գազայի
հատվածից պաղեստինցի գրոհայինների կողմից Իսրայելի ռազմաբազայի
հրթիռակոծության, ինչի հետեւանքով մարմնական տարբեր աստիճանի
վնասվածքներ էին ստացել 6 տասնյակից ավելի իսրայելցի
զինծառայողներ:
Իսրայելի կառավարությունը այդ որոշմամբ ցանկանում է թուլացնել
Գազայի հատվածը վերահսկող ՀԱՄԱՍ շարժման դիրքերը: