ՀՀ ՆԱԽԱԳԱՀԻ ԱՇԽԱՏԱԿԱԶՄԻ 2006 Թ.-Ի ՖԻՆԱՆՍԱՎՈՐՄԱՆ
ԿԱՏԱՐՈՂԱԿԱՆԸ ԿԱԶՄԵԼ Է 99,98%
04-09-2007 21:00:00 | Հայաստան | Տնտեսություն
ԵՐԵՎԱՆ, 4 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: ՀՀ նախագահի աշխատազմի
ֆինանսավորումը, ըստ 2006թ.-ի ճշտված ծրագրային ցուցանիշների,
նախատեսված է եղել 2,625 մլրդ դրամ (ավելի քան 6,3 մլն ԱՄՆ դոլար):
Կատարողականը կազմել է 99,98 տոկոս: Կառավարության պահուստային
ֆոնդից 2006-ին լրացուցիչ հատկացվել է նաեւ 60 մլն դրամ
չնախատեսված որոշ ընթացիկ հարցերի կարգավորման համար: ՀՀ 2006թ.-ի
պետբյուջեի կատարողականի քննարկմանը նվիրված Ազգային Ժողովի
մշտական հանձնաժողովների սեպտեմբերի 4-ի համատեղ նիստում այս մասին
հայտնեց ՀՀ նախագահի աշխատակազմի ղեկավար Արմեն Գեւորգյանը:
Նշվեց, որ 2005թ.-ից ՀՀ նախագահի աշխատակազմին տարեկան
հատկացվում է 100 մլն դրամ` հասարակական կազմակերպություններին
դրամաշնորհներ հատկացնելու համար: Ըստ Ա.Գեւորգյանի, առաջին երկու
տարիները ցույց տվեցին, որ ՀԿ-ներին պետական աջակցության առումով
սա «բավականին արդյունավետ մեխանիզմ է»: 2006-ին մրցույթներին
մասնակցելու հայտ ներկայացրած 102 ՀԿ-ներից հաղթող են ճանաչվել
19-ը: