ՉԻՆ ՀԱԿԵՐՆԵՐԸ ՎՆԱՍԵԼ ԵՆ ՊԵՆՏԱԳՈՆԻ ՀԱՄԱԿԱՐԳՉԱՅԻՆ ՑԱՆՑԸ
04-09-2007 14:50:00 | Չինաստան | Միջազգային
ՊԵԿԻՆ, 4 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Չին հակերները վնասել են
Պենտագոնի համակարգչային ցանցը` շարքից հանելով 1,5 հազար
համակարգիչ: Այս մասին հաղորդում է «Financial Times»-ը:
Ըստ ամերիկյան աղբյուրների, ԱՄՆ-ի ռազմական գերատեսչության
համակարգչային ցանցի վրա հարձակումը տեղի է ունեցել հունիսի 20-ին
Չինաստանի ազգային-ազատագրական բանակի մասնագետների կողմից:
Միեւնույն ժամանակ նշվում է, որ չինաստանի կառավարությունը
հերքում է տարածված լուրերը. «Չինաստանին եւ չի զինվորականներին
համակարգչային հարձակումների մեջ մեղադրելը անհիմն է եւ
հանդիսանում է «սառը պատերազմի» մտածողության դրսեւորում»,-
հայտարարել է Չինաստանի արտգործնախարարության պաշտոնական
ներկայացուցիչ Ցզյան Յուն: