ԱՄԵՐԻԿՅԱՆ ՍԱՆԿՏ-ՊԵՏԵՐԲՈՒՐԳԻ ԲՆԱԿՉՈՒՀԻՆ ՄԻԱՆԳԱՄԻՑ ՎԵՑ ԵՐԵԽԱ
Է ԾՆԵԼ` ՀԻՆԳ ՏՂԱ ԵՎ ՄԵԿ ԱՂՋԻԿ
03-09-2007 16:21:00 | ԱՄՆ | Միջազգային
ՍԱՆԿՏ ՊԵՏԵՐԲՈՒՐԳ, 3 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սանկտ
Պետերբուրգ քաղաքի (ԱՄՆ, Ֆլորիդայի նահանգ) 29-ամյա բնակչուհի
Կարոլինա Բիլերը դարձել է հինգ տղայի եւ մեկ աղջկա մայր: Ծնունդը
հաջող է անցել, ծննդկանը եւ երեխաները իրենց բավարար են զգում: Վեց
երեխաներից, որ ծնվել են ժամկետից երկու ամիս շուտ, հինգը նորմալ
վիճակում են: Վեցերորդի հետ, որ տղա է, աշխատում են բժիշկները,
հաղորդում է CNN-ը:
Նորածինները հիվանդանոցում կմնան մոտ երկու ամիս: Ըստ
բժիշկների, նրանց քաշը, որ կազմում է մեկից մինչեւ մեկուկես
կիլոգրամ, միանգամայն նորմալ է նրանց զարգացման տվյալ փուլի համար:
«Առայժմ ամեն բան այնքան լավ է, որքան կարող է լավ լինել»,- ասում
է կեսարյան հատումն իրականացրած վիրաբույժների բրիգադի ղեկավար
դոկտոր Կարեն Ռայմերը:
Վեցյակի լույս աշխարհ գալու պատճառը եղել են բեղմնավորման
հավանականությունը մեծացնող հաբերը: Դրանք ապագա բազմազավակ
ծնողները օգտագործել են իրենց չորսամյա դստեր խնդրանքով, որը շատ
էր ցանկանում, որպեսզի ինքը փոքր երկվորյակ քույր ու եղբայր
ունենա:
Ֆլորիդայի Ժողովրդագրության դեպարտամենտը փաստել է, որ
վեցնյակ նահանգի տարածքում առաջին անգամ է ծնվել: