ԵՐԵՎԱՆՈՒՄ ԿՎԵՐԱՆՈՐՈԳՎԵՆ 2407 ԵՎ ՆՈՐԵՐՈՎ ԿՓՈԽԱՐԻՆՎԵՆ 50
ՎԵՐԵԼԱԿՆԵՐ
20-08-2007 20:00:00 | Հայաստան | Տնտեսություն
ԵՐԵՎԱՆ, 20 ՕԳՈՍՏՈՍԻ, ՆՈՅՅԱՆ ՏԱՊԱՆ: Երեւանում կա 4261
վերելակ, որից 384-ը չի գործում: Այս մասին օգոստոսի 20-ի
ասուլիսում հայտնեց Երեւանի փոխքաղաքապետ Վանո Վարդանյանը: Ըստ
նրա, նորերով պետք է փոխարինվեն 50 եւ վերանորոգվեն 2407
վերելակներ:
Փոխքաղաքապետը նշեց, որ արդեն ավարտվել են այս տարվա ծրագրով
նախատեսված 8 վթարային բազմաբնակարանային շենքերից 2-ի ամրացման
աշխատանքները: Մյուս 6-ինը կավարտվեն հոկտեմբերին:
Անդրադառնալով շենքերի կենտրոնացված ջերմատակարարմանն ուղղված
աշխատանքներին, Վ.Վարդանյանը նշեց, որ 2004-2007թթ.-ների լոկալ
ջեռուցման ծրագրով վարձակալության են տրվել 57 կաթսայատներ: