ՊԵՐՈՒՈՒՄ ՏԵՂԻ ՈՒՆԵՑԱԾ ԵՐԿՐԱՇԱՐԺԻ ԶՈՀԵՐԻ ԹԻՎԸ ՀԱՍԵԼ Է 330-Ի
16-08-2007 17:12:00 | Պերու | Միջազգային
ԼԻՄԱ, 16 ՕԳՈՍՏՈՍԻ, ՆՈՅՅԱՆ ՏԱՊԱՆ: Պերուում տեղի ունեցած
երկրաշարժի զոհերի թիվը հասել է 330-ի: Այս մասին հաղորդում են
տեղական լրատվամիջոցները:
Նշենք, որ օգոստոի 15-ին Պերուում տեղի էր ունեցել միանգամից
2 երկրաշարժ: Ըստ Ռիխտերի սանդղակի 7,7 մագնիտուդ ուժգնությամբ
ստորերկրյա առաջին ցնցմանը մի քանի րոպե անց հաջորդել է երկրորդը`
7,5 մագնիտուդ ուժգնությամբ: Երկրաշարժերի էպիկենտրոնը Պերուի
մայրաքաղաքից` Լիմայից, գտնվում է 161 կմ հեռավորության վրա:
Ցնցումներն առավելապես զգացվել են Իկա քաղաքում:
Պերուի նախագահ Ալան Գարսիան, ցավակցություն հայտնելով
երկրաշարժի զոհերի հարազատներին, ժողովրդին հանդարտության կոչ է
արել: