ՍՈՄԱԼԻՈՒՄ ՍՊԱՆՎԵԼ ԵՆ ԼՐԱԳՐՈՂ ԵՎ ՊԵՏԱԿԱՆ ԾԱՌԱՅՈՂՆԵՐ
13-08-2007 18:25:00 | | Միջազգային
ՄՈԳԱԴԻՇՈ, 13 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 11-ին Սոմալիի
մայրաքաղաքում անհայտ անձինք սպանել են տեղական ռադիոկայանի մի
լրագրողի եւ 4 պետական ծառայողների: Այս մասին հաղորդում է
իտալական «AHCA» գործակալությունը:
Ըստ տեղեկությունների, «Խորն Աֆրիկ» ռադիոկայանի աշխատակից
Մահադ Ահմեդ Էլմին սպանվել է Մոգադիշոյի կենտրոնում` խմբագրության
մուտքի մոտ, իսկ 4 պետական ծառայողները` մայրաքաղաքի հյուսիսային
շրջանում:
Վերջին երկու ամիսների ընթացքում Սոմալիի մայրաքաղաքը
շարունակում է մնալ իսլամիստների կողմից իրականացվող զինված
բախումների եւ բռնարարքների թատերաբեմ: Վերջիններս փորձում են
խոչընդոտել Սոմալիում ՄԱԿ-ի եւ Աֆրոմիության հովանու ներքո
կազմակերպված ազգային հաշտեցման համաժողովի աշխատանքին: Իսկ
սպանված լրագրողը ակտիվորեն լուսաբանում էր այդ համաժողովի
աշխատանքները: