ՄԱՆԻԼԱ, 9 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 9-ին Ֆիլիպիններում իսլամիստ գրոհայինների` զինված ուժերի պահակախմբի դեմ իրականացրած հարձակման հետեւանքով զոհվել է 9 եւ վիրավորվել 2 զինծառայող: Այս մասին հաղորդում է «Reuters» գործակալությունը: Դեպքը տեղի է ունեցել երկրի հարավում: Գրոհայինները, հավաքելով զինվորների զենքերն ու կապի միջոցները, թաքնվել են: Ենթադրվում է, որ հարձակում գործած իսլամիստ գրոհայինները «Ալ Ղաիդա»-ի հետ կապված «Աբու Սայաֆ» ահաբեկչական կազմակերպության անդամներ են:

---