ԱՄՆ-ՈՒՄ ԱՌԱՆՑ ՀԱՏՈՒԿ ԹՈՒՅԼՏՎՈՒԹՅԱՆ ԿԳԱՂՏՆԱԼՍՎԵՆ
ՀԵՌԱԽՈՍԱԶՐՈՒՅՑՆԵՐԸ
06-08-2007 14:35:00 | ԱՄՆ | Միջազգային
ՎԱՇԻՆԳՏՈՆ, 6 ՕԳՈՍՏՈՍԻ, ՆՈՅՅԱՆ ՏԱՊԱՆ: ԱՄՆ-ի
Ներկայացուցիչների պալատը հավանություն է տվել Սպիտակ տան
առաջադրած օրինագծին, ըստ որի, գաղտնի ծառայությունները կարող են
առանց դատարանի թույլտվության գաղտնալսել քաղաքացիների
հեռախոսազրույցները եւ ստուգել նրանց էլեկտրոնային նամակները:
Օգոստոսի 3-ին այս օրնագիծը հաստատվել էր Սենատի կողմից, որի
օգտին էր քվեարկել 60 եւ դեմ արտահայտվել 28 սենատոր:
Ըստ օրինագծի, նախատեսվում է գաղտնալսել հիմնականում
օտարերկրացիների եւ ամերիկացիների միջեւ հեռախոսազրույցներ:
Տեղեկությունների համաձայն, ԱՄՆ-ի նախագահ Ջորջ Բուշն արդեն
ստորագրել է այդ օրինագծը. «Սա մեր հետախուզության աշխատակիցներին
կշնորհի բոլոր անհրաժեշտ լիազորությունները` Ամերիկան պաշտպանելու
համար»,- հայտարարել է Ջորջ Բուշը:
Ամերիկյան վարչակազմը կարեւորում է օրինագծի հաստատումը`
պնդելով, թե այն հնարավորություն կտա կանխել նախապատրաստվող
ահաբեկչություններն ու հարձակումները: