ԵՐՈՒՍԱՂԵՄ, 16 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 15-ին Երուսաղեմում տեղի ունեցած պաշտոնակալման արարողությունից հետո Շիմոն Պերեսը ստանձնել է Իսրայելի նախագահի պաշտոնը: Հիշեցնենք, որ նախկին վարչապետ, Նոբելյան մրցանակակիր 83-ամյա Շիմոն Պերեսը հունիսին հաղթանակ էր տարել Իսրայելի նախագահական ընտրություններում, որի օգտին էր քվեարկել Կնեսետի (խորհրդարան) 120 անդամներից 86-ը: Դառնալով Իսրայելի 9-րդ նախագահը` Պերեսն այդ պաշտոնում փոխարինեց Մոշե Կացավին:

---