ԵՐԵՎԱՆ, 18 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 16-ին Երեւանի Կիեւյան 26 հասցեում բացվեց Հայաստանի վետերան ֆուտբոլիստների միության գրասենյակը: Միության նախագահն է փառաբանված «Արարատ» թիմի կիսապաշտպան Սերգեյ Պողոսյանը: Միջոցառմանը հրավիրված էին տարբեր սերունդների ֆուտբոլիստներ, մշակույթի անվանի գործիչներ, մարզական, պետական ու հասարակական կազմակերպությունների ներկայացուցիչներ, լրագրողներ: Միության նպատակն է նպաստել Հայաստանում ֆուտբոլի առաջընթացին: Վետերանները կայցելեն տարբեր մարզեր, տեսական եւ գործնական պարապմունքներ կանցկացնեն տեղի մասնագետների եւ ֆուտբոլիստների հետ:

---