ԵՐԵՎԱՆ, 18 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 16-ին Երեւանի Կիեւեան 26 հասցեում բացուեց Հայաստանի վետերան ֆուտբոլիստների միութեան գրասենեակը: Միութեան նախագահն է փառաբանված «Արարատ» թիմի կիսապաշտպան Սերգեյ Պողոսեանը: Միջոցառմանը հրաւիրուած էին տարբեր սերունդների ֆուտբոլիստներ, մշակոյթի անուանի գործիչներ, մարզական, պետական ու հասարակական կազմակերպութիւնների ներկայացուցիչներ, լրագրողներ: Միութեան նպատակն է նպաստել Հայաստանում ֆուտբոլի առաջընթացին: Վետերանները կայցելեն տարբեր մարզեր, տեսական եւ գործնական պարապմունքներ կանցկացնեն տեղի մասնագէտների եւ ֆուտբոլիստների հետ:

---