ՀԱՅԱՍՏԱՆԻ ԽՃՈՒՂԱՅԻՆ ԲԱԶՄՕՐՅԱ ՀԵԾԱՆՎԱՎԱԶՔԻ ԱՌԱՋՆՈՒԹՅԱՆ
ԱՐԴՅՈՒՆՔՆԵՐՈՎ ԿԱԶՄԱՎՈՐՎԱԾ ՀԱՎԱՔԱԿԱՆԸ ՀՈՒՆԻՍԻՆ ԿՄԵԿՆԻ ՄՈԼԴՈՎԱ
21-05-2007 16:50:00 | Հայաստան | Սպորտ
ԵՐԵՎԱՆ, 21 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 20-ին ավարտվեց
Հայաստանի խճուղային բազմօրյա հեծանվավազքի առաջնությունը:
Երեւանի, Արմավիրի, Վանաձորի, Աբովյանի եւ Մասիսի 38 հեծանվորդներ
5 փուլերում հաղթահարեցին 400 կմ մրցատարածություն: 1-ին եռյակում
տեղեր գրավեցին հաջորդաբար Արթուր Գրիգորյանը, Դավիթ Մկրտչյանը
(երկուսն էլ Երեւան) եւ Էդգար Գեւորգյանը (Աբովյան): Փորձառուների
պայքարում 4-րդ պատվավոր տեղը զբաղեցրեց 16-ամյա Սուրեն Պետրոսյանը
(Երեւան):
Առաջնության արդյունքներով կազմավորվեց հավաքականը, որը
Քիշնեւում կմասնակցի Մոլդովայի նախագահի մրցանակների հունիսի 16-ին
մեկնարկելիք խաղարկությանը: