ՋՐԱՅԻՆ ՄԱՐԶԱՁԵՎԵՐԻ ԱՇԽԱՐՀԻ ԱՌԱՋՆՈՒԹՅՈՒՆՈՒՄ ՄԻՔԱԵԼ ՔՈԼՈՅԱՆԸ
ՍԱՀՄԱՆԵՑ ՀԱՅԱՍՏԱՆԻ 2 ՌԵԿՈՐԴ
29-03-2007 16:16:00 | Ավստրալիա | Սպորտ
ՄԵԼԲՈՒՐՆ, 29 ՄԱՐՏԻ, ՆՈՅՅԱՆ ՏԱՊԱՆ: Ավստրալիայի Մելբուրն
քաղաքում շարունակվում է ջրային մարզաձեւերի աշխարհի
առաջնությունը: Մարտի 28-ին լողուղյակ դուրս եկան Հայաստանի
լողորդները: Միքայել Քոլոյանը ազատ լողաոճում 100 մ
մրցատարածությունը հաղթահարեց 53,01 վայրկյանում, 169 մասնակիցների
պայքարում գրավեց 80-րդ տեղը եւ սահմանեց հանրապետական նոր ռեկորդ:
Նա Հայաստանի 2-րդ ռեկորդը սահմանեց 200 մ ազատ ոճում`
տարածությունն անցնելով 1 րոպե 55,06 վայրկյանում, եւ 117
մասնակիցների մեջ ճանաչվեց 66-րդը:
Հարություն Հարությունյանը 100 մ ազատ ոճում եւ Արամ
Նազարյանը 100 մ եւ 50 մ բրաս ոճում սահմանեցին անձնական
ռեկորդներ: Նրանք, համապատասխանաբար, գրավեցին 97-րդ (125-ի
լողորդների մեջ), 95-րդ (117-ի պայքարում) եւ 98-րդը (125-ի մեջ):