ՄԵԼԲՈՒՐՆ, 26 ՄԱՐՏԻ, ՆՈՅՅԱՆ ՏԱՊԱՆ: Ավստրալիայի Մելբուրն քաղաքում մեկնարկած ջրային մարզաձեւերի աշխարհի առաջնությունում վիճարկվում են Պեկինի օլիմպիական խաղերի ուղեգրեր: Մարտի 25-ին 100 մ բրաս լողաոճում 1 ր 12,21 վրկ արդյունքով 107 մասնակիցների պայքարում Հայաստանի ներկայացուցիչ Արամ Նազարյանը գրավեց 95-րդ տեղը: Իսկ Միքայել Քոլոյանը 200 մ ազատ լողաոճում տարածությունը հաղթահարեց 1 ր 55,9 վրկ-ում եւ 122 մասնակիցների մեջ ճանաչվեց 66-րդը: Աշտարակացատկորդների մրցաշարին Հայաստանից հայտավորված էր Հովհաննես Ավթանդիլյանը, որը, սակայն, հիվանդության պատճառով ասպարեզ չելավ: Մարզաձեւի հանրապետական ֆեդերացիայի փոխնախագահ Հռիփսիմե Ջիլավյանը «ՆՈՅՅԱՆ ՏԱՊԱՆ»-ի թղթակցին ասաց, որ հայ լողորդները աշխարհի առաջնությունում դրսեւորել են իրենց բոլոր հնարավորությունները եւ չպիտի դժգոհել նրանց ցույց տված արդյունքներից:

---