ՀՌԻՓՍԻՄԷ ՋԻԼԱՎՅԱՆ. «ԱՇԽԱՐՀԻ ԱՌԱՋՆՈՒԹԻՒՆՈՒՄ ՀԱՅԱՍՏԱՆԻ
ԼՈՂՈՐԴՆԵՐԻ ՑՈՅՑ ՏՈՒԱԾ ԱՐԴԻՒՆՔՆԵՐԸ ԴԺԳՈՀԵԼՈՒ ՏԵՂԻՔ ՉԵՆ ՏԱԼԻՍ»
26-03-2007 18:45:00 | | Սպորտ
ՄԵԼԲՈՒՐՆ, 26 ՄԱՐՏԻ, ՆՈՅԵԱՆ ՏԱՊԱՆ: Աուստրալիայի Մելբուրն
քաղաքում մեկնարկած ջրային մարզաձեւերի աշխարհի առաջնութիւնում
վիճարկվում են Պեկինի օլիմպիական խաղերի ուղեգրեր: Մարտի 25-ին 100
մ բրաս լողաոճում 1 ր 12,21 վրկ արդիւնքով 107 մասնակիցների
պայքարում Հայաստանի ներկայացուցիչ Արամ Նազարեանը գրաւեց 95-րդ
տեղը: Իսկ Միքայէլ Քոլոյանը 200 մ ազատ լողաոճում տարածութիւնը
յաղթահարեց 1 ր 55,9 վրկ-ում եւ 122 մասնակիցների մէջ ճանաչուեց
66-րդը:
Աշտարակացատկորդների մրցաշարին Հայաստանից հայտավորված էր
Յովհաննէս Աւթանդիլեանը, որը, սակայն, հիւանդութեան պատճառով
ասպարէզ չելավ:
Մարզաձեւի հանրապետական ֆեդերացիայի փոխնախագահ Հռիփսիմէ
Ջիլաւեանը «ՆՈՅԵԱՆ ՏԱՊԱՆ»-ի թղթակցին ասաց, որ հայ լողորդները
աշխարհի առաջնութիւնում դրսեւորել են իրենց բոլոր
հնարաւորութիւնները եւ չպիտի դժգոհել նրանց ցոյց տուած
արդիւնքներից: