Հաջորդ տարվա գարնանը նախատեսվում է Հայաստանում կազմակերպել
Վիկ Դարչինյանի մենամարտերից մեկը
02-09-2009 14:18:00 | Հայաստան | Սպորտ
ԵՐԵՎԱՆ, 2 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի նախագահ Սերժ
Սարգսյանը սեպտեմբերի 1-ին ընդունել է հանրաճանաչ պրոմոութեր Գերի
Շովին, ով նաեւ բռնցքամարտի գերթեթեւ քաշային կարգում աշխարհի
չեմպիոն Վիկ Դարչինյանի պրոմոութերն է: Ըստ ՀՀ նախագահի Մամլո
գրասենյակի հաղորդագրության, զրույցին մասնակցել են Վ.Դարչինյանը
եւ ԱԺ պատգամավոր, ՀԱՕԿ-ի նախագահ Գագիկ Ծառուկյանը:
Գ.Շոուն ՀՀ նախագահին տեղեկացրել է, որ մտադիր է հաջորդ տարվա
գարնանը Հայաստանում կազմակերպել Վ.Դարչինյանի մենամարտերից մեկը`
նշելով, որ Հայաստանում դեռեւս պրոֆեսիոնալ բռնցքամարտի մարտեր չեն
անցկացվել:
Ողջունելով այդ գաղափարը, Ս.Սարգսյանը պատրաստակամություն է
հայտնել աջակցել ծրագրի իրականացմանը: Նա վստահություն է հայտնել,
որ այն մեծ հաճույք կպատճառի պրոֆսիոնալ բռնցքամարտի բազմաթիվ
երկրպագուներին, ինչպես նաեւ Հայաստանը եւս մեկ անգամ աշխարհին
ներկայացնելու լավ առիթ կլինի: