Բրազիլիայի Ռիո դե Ժանեյրո նահանգում տեղի է ունեցել ֆրանսիական ռազմածովային տեխնոլոգիաների հիման վրա չորս S-BR սուզանավերի կառուցման աշխատանքների բացման հանդիսավոր արարողությունը:
«Ռիա Նովոստի»-ի հաղորդմամբ, Ֆրանսիայի հետ սուզանավերի կառուցման 6,7 մլրդ բրազիլական ռեալ արժողությամբ (4,2 միլիարդ դոլար) պայմանագիրը կնքվել է 2008թ.-ին: Սպասվում է, որ առաջին սուզանավը բրազիլացի նավաստիներին կսպասարկի 2017թ.-ին: Արարողությանը ներկա Բրազիլիայի նախագահ Դիլմա Ռուսեֆը սուզանավերի կառուցումը համարել է կարեւոր փուլ ժամանակակից տեխնոլոգիաների ճանապարհին:
Բրազիլիայի պաշտպանության նախրարության տվյալներով, փորձն ու Ֆրանսիայից ստացված տեխնոլոգիաները կօգնեն առաջին բրազիլական միջուկային սուզանավի կառուցմանը, որի շահագործումը նախատեսվում է 2023թ.-ին: