«Հայէկոնոմբանկ»-ին տրամադրվել է «Լիդեր» արտասահմանյան
վճարահաշվարկային համակարգին մասնակցության թույլտվություն
24-03-2009 19:33:00 | Հայաստան | Տնտեսություն
ԵՐԵՎԱՆ, 24 ՄԱՐՏԻ, ՆՈՅՅԱՆ ՏԱՊԱՆ: ՀՀ Կենտրոնական բանկի
խորհուրդը մարտի 24-ի նիստում հաստատվել է ՀՀ ԿԲ Ֆինանսական
դիտարկումների կենտրոնի 2008թ.-ի գործունեության հաշվետվությունը:
Ըստ ԿԲ Հասարակայնության հետ կապերի ծառայության, նիստում
փոփոխություն է կատարվել «Ապահովագրական գործունեության հիմնական
տնտեսական նորմատիվների չափը, ձեւավորման եւ հաշվարկման կարգը»
կանոնակարգ 3/02-ում:
Խորհուրդը որոշել է վերաձեւակերպել «Ոսկե շղթա» ՍՊԸ գրավատան
լիցենզիան, «Ա/Ձ Անահիտ Ավագյան» փոխանակման կետի արտարժույթի առք
ու վաճառքի թիվ 606 լիցենզիան եւ «ՍԱԲ ՏՐԱՍՏ» ՍՊԸ-ի փոխանակման
կետի արտարժույթի առք ու վաճառքի թիվ 693 լիցենզիան:
«ԿԱՍԿԱԴ ԻՆՇՈՒՐԱՆՍ» ապահովագրական ՓԲԸ-ի ոչ կյանքի
ապահովագրության լիցենզիան վերաձեւակերպվել է` կապված ընկերության
հասցեափոխության հետ:
ԿԲ կառավարման բարձրագույն մարմնի որոշմամբ «Հայէկոնոմբանկ»
ԲԲԸ-ին տրամադրվել Է «Լիդեր» արտասահմանյան վճարահաշվարկային
համակարգում մասնակցության թույլտվություն: