Նորայր Բախտամյանը 5-րդ տեղը գրավեց Եվրոպայի առաջնությունում
25-02-2009 15:20:00 | Չեխիա | Սպորտ
ՊՐԱՀԱ, 25 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 19-22-ին
Պրահայում անցկացվեց հրաձգության (օդամղիչ ատրճանակ) Եվրոպայի
առաջնությունը, որին Հայաստանից մասնակցում էին 3 մարզիկներ:
Նորայր Բախտամյանը 52 մասնակիցների պայքարում նախնական փուլում 585
միավորով անցավ եզրափակիչ, սակայն վճռական 10 կրակոցներում նա
ձախողվեց, վաստակեց 97,5 միավոր եւ գրավեց 5-րդ տեղը: Չեմպիոն
դարձավ Անդրիա Զլատիչը (Սերբիա)` 98,6 միավորով:
Երիտասարդների մրցաշարում Ռոմիկ Վարդումյանը 35 մասնակիցների
մրցավեճում 569 միավորով գրավեց 11-րդ տեղը, իսկ Լիլիթ Նիկողոսյանը
51 մարզուհիների պայքարում` 356 միավորով (40 կրակոց) բավարարվեց
43-րդ տեղով: