ՆՅՈՒ ԴԵԼԻՈՒՄ ԱՆՑԿԱՑՎՈՒՄ Է ՀԱՅ-ՀՆԴԿԱԿԱՆ ՄԻՋԿԱՌԱՎԱՐԱԿԱՆ
ՀԱՆՁՆԱԺՈՂՈՎԻ ՀԵՐԹԱԿԱՆ ՆԻՍՏԸ
18-01-2007 22:10:00 | Հնդկաստան | Տնտեսություն
ՆՅՈՒ ԴԵԼԻ, 18 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 18-ին
հայ-հնդկական միջկառավարական հանձնաժողովի հերթական նիստին
մասնակցելու նպատակով Նյու Դելի ժամանած ՀՀ պատվիրակությունը`
արտաքին գործերի նախարարի տեղակալ Արմեն Բայբուրդյանի
գլխավորությամբ, հանդիպում է ունեցել Հնդկաստանի արտաքին գործերի
պետական նախարար Ե.Ահամեդի հետ: Կողմերը փաստել են երկու երկրների
միջեւ հաստատված հարաբերությունների բարձր մակարդակը, դրանց
համընդգրկուն բնույթը, փոխադարձ վստահությունը եւ ձգտումը դրանք
զարգացնելու:
Ա.Բայբուրդյանը հայտնել է ՀՀ կառավարության
պատրաստակամությունը գործնական ծրագրերով խորացնելու
համագործակցությունը բազմաթիվ ուղղություններով` մասնավորապես
քաղաքական, առեւտրի, տնտեսության, կրթության, մշակույթի,
տեղեկատվական տեխնոլոգիաների եւ գյուղատնտեսության ոլորտներում:
Փոխնախարարը նշել է միջազգային կազմակերպություններում երկու
երկրների արդյունավետ փոխգործակցությունը:
ՀՀ փոխարտգործնախարարն անդրադարձել է նաեւ Հայաստանում
գյուղական զարգացման ծրագրերում հնդկական կողմի ներգրավվածության,
Երեւանում տեղեկատվական տեխնոլոգիաների հնդկական կենտրոնի
հիմնադրման, Հայաստանի եւ Հնդկաստանի միջեւ դիվանագիտական
հարաբերությունների 15-ամյակի առնչությամբ կազմակերպվելիք
միջոցառումների հարցերին:
Ըստ ՀՀ ԱԳՆ Մամուլի եւ տեղեկատվության վարչության
հաղորդագրության, Ե.Ահամեդն իր հերթին հայտնել է Հնդկաստանի
կառավարության փոխադարձ ձգտումը ամրապնդելու եւ ընդլայնելու կապերը
Հայաստանի հետ: