ՆՅՈՒ ԴԵԼԻՈՒՄ ԱՆՑԿԱՑՒՈՒՄ Է ՀԱՅ-ՀՆԴԿԱԿԱՆ ՄԻՋԿԱՌԱՎԱՐԱԿԱՆ
ՅԱՆՁՆԱԺՈՂՈՎԻ ՀԵՐԹԱԿԱՆ ՆԻՍՏԸ
18-01-2007 22:10:00 | | Տնտեսութիւն
ՆՅՈՒ ԴԵԼԻ, 18 ՅՈՒՆՎԱՐԻ, ՆՈՅԵԱՆ ՏԱՊԱՆ: Յունվարի 18-ին
հայ-հնդկական միջկառավարական յանձնաժողովի հերթական նիստին
մասնակցելու նպատակով Նյու Դելի ժամանած ՀՀ պատուիրակութիւնը`
արտաքին գործերի նախարարի տեղակալ Արմէն Բայբուրդեանի
գլխաւորութեամբ, հանդիպում է ունեցել Հնդկաստանի արտաքին գործերի
պետական նախարար Ե.Ահամեդի հետ: Կողմերը փաստել են երկու երկրների
միջեւ հաստատուած յարաբերութիւնների բարձր մակարդակը, դրանց
համընդգրկուն բնոյթը, փոխադարձ վստահութիւնը եւ ձգտումը դրանք
զարգացնելու:
Ա.Բայբուրդեանը յայտնել է ՀՀ կառավարութեան
պատրաստակամութիւնը գործնական ծրագրերով խորացնելու
համագործակցութիւնը բազմաթիւ ուղղութիւններով` մասնաւորապէս
քաղաքական, առեւտրի, տնտեսութեան, կրթութեան, մշակոյթի,
տեղեկատուական տեխնոլոգիաների եւ գիւղատնտեսութեան ոլորտներում:
Փոխնախարարը նշել է միջազգային կազմակերպություններում երկու
երկրների արդիւնաւէտ փոխգործակցությունը:
ՀՀ փոխարտգործնախարարն անդրադարձել է նաեւ Հայաստանում
գիւղական զարգացման ծրագրերում հնդկական կողմի ներգրավվածության,
Երեւանում տեղեկատուական տեխնոլոգիաների հնդկական կենտրոնի
հիմնադրման, Հայաստանի եւ Հնդկաստանի միջեւ դիւանագիտական
յարաբերութիւնների 15-ամեակի առնչութեամբ կազմակերպուելիք
միջոցառումների հարցերին:
Ըստ ՀՀ ԱԳՆ Մամուլի եւ տեղեկատուութեան վարչութեան
հաղորդագրութեան, Ե.Ահամեդն իր հերթին յայտնել է Հնդկաստանի
կառավարութեան փոխադարձ ձգտումը ամրապնդելու եւ ընդլայնելու կապերը
Հայաստանի հետ: