ՍԵՎԱՆԱ ԼՃԻ ՄԱԿԱՐԴԱԿԸ ԱՆՑՅԱԼ ՏԱՐՎԱ ՀԱՄԵՄԱՏ 17 ՍՄ-ՈՎ
ԲԱՐՁՐԱՑԵԼ Է
27-12-2006 19:15:00 | Հայաստան | Հասարակություն
ԵՐԵՎԱՆ, 27 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Թեեւ 2006թ.-ը երաշտ
տարի էր, այնուամենայնիվ Սեւանա լճի մակարդակը անցյալ տարվա
համեմատ 17 սմ-ով բարձրացել է: Այս մասին դեկտեմբերի 27-ի
ասուլիսում հայտնեց ՀՀ բնապահպանության նախարար Վարդան Այվազյանը:
Նա նշեց, որ ըստ համալիր ծրագրի, Սեւանի լճի մակարդակի բարձրացումը
նախատեսված է մինչեւ 1903 մ-ը:
Ըստ Վ.Այվազյանի, կարեւորագույն խնդիրներից է լճի առափնյա
տարածքների մաքրման աշխատանքները. 2005թ.-ին մաքրվել է 92 հա, իսկ
այս տարի` 123 հա տարածք:
Վ.Այվազյանը նշեց նաեւ, որ տարեցտարի աճում են բնօգտագործման
վճարների ցուցանիշները: Այսպես, եթե 2003թ.-ին դրանք կազմել են 1
մլրդ 112 մլն (մոտ 44 մլն ԱՄՆ դոլար), ապա 2005թ.-ին` 2 մլրդ 112
մլն դրամ: Բնօգտագործման վճարների ցուցանիշի աճում, ըստ
Վ.Այվազյանի, կարեւորագույն դեր է խաղում ընդերքի շահագործման
ոլորտը: Ներկայումս Հայաստանում ներկայումս գործում են ընդերք
շահագործող 300 կազմակերպություններ: