ԹԲԻԼԻՍԻՈՒՄ ԿԱՆՑԿԱՑՎԻ ՀԱՐԱՎԱՅԻՆ ԿՈՎԿԱՍԻ ՎԱՎԵՐԱԳՐԱԿԱՆ ՖԻԼՄԵՐԻ
ՓԱՌԱՏՈՆ
31-10-2006 13:31:00 | Վրաստան | Միջազգային
ԹԲԻԼԻՍԻ, 31 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի առաջին
շաբաթը Թբիլիսիում կկայանա Հարավային Կովկասի վավերագրական ֆիլմերի
փառատոն: Նպատակն է ակտիվացնել Հարավային Կովկասի ռեժիսորների եւ
կինովավերագրողների համագործակցությունը: Փառատոնում կներկայացվեն
հետեւյալ թեմաներով ֆիլմեր` մարդը բնության դեմ, մեր ժամանակի
հերոսը, մշակութային ինքնաբավություն եւ գլոբալիզացիա: Մրցույթին
կարող են մասնակցել Հայաստանի, Վրաստանի եւ Ադրբեջանի 16-27
տարեկան ռեժիսորներ: Սուբտիտրերը պետք է լինեն անգլերեն կամ
ռուսերեն: Պարտադիր չէ ունենալ մասնագիտական կրթություն: Երեք
լավագույն ֆիլմերի հեղինակները կպարգեւատրվեն դրամական
մրցանակներով` 250, 150 եւ 100 եվրո: Փառատոնի ընթացքում կանցկացվի
կինովավերագրությանը նվիրված սեմինար: Հայտերի ընդունման վերջին
ժամկետը նոյեմբերի 10-ն է: