ԹԲԻԼԻՍԻՈՒՄ ԿԱՅԱՑԵԼ Է ԿՈՎԵՐԻ ԳԵՂԵՑԿՈՒԹՅԱՆ ԱՌԱՋԻՆ ՄՐՑՈՒՅԹԸ
31-10-2006 13:23:00 | Վրաստան | Միջազգային
ԹԲԻԼԻՍԻ, 31 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Թբիլիսիում անցկացվել
է առաջին գեղեցկության մրցույթը կովերի շրջանում: Վրաստանի բոլոր
ծայրերից մայրաքաղաք են փոխադրվել տարբեր ցեղատեսակների 70 կովեր:
Մրցույթը, որի կազմակերպիչը Վրաստանի գյուղատնտեսության եւ պարենի
նախարարությունն է եղել, պետք է որոշեր ոչ միայն ամենագեղեցիկ,
այլեւ ամենամթերատու կովին: Ինչպես հայտնել է Վրաստանի
գյուղատնտեսության եւ պարենի նախարար Միխայիլ Սվիմոնիշվիլին,
երկրում առաջին անգամ անցկացվող, սակայն այսուհետ ավանդական
մրցույթի գլխավոր նպատակն է սատարել հայրենական անասնաբուծությանը
եւ խթանել վրացական հայտնի ցեղատեսակներից բացի եւ
արտասահմանյանների բուծումը: