ԱԴՐԲԵՋԱՆԻ ՆԱԽԱԳԱՀԸ ԲԱՎԱՐԱՐՎԱԾ Է ՂԱՐԱԲԱՂՅԱՆ ՀԱԿԱՄԱՐՏՈՒԹՅԱՆ
ԿԱՐԳԱՎՈՐՄԱՆ ԱՌՆՉՈՒԹՅԱՄԲ ՄՈՍԿՎԱՅԻ ԴԻՐՔՈՐՈՇՈՒՄԻՑ
30-10-2006 19:23:00 | Ադրբեջան | Միջազգային
ԲԱՔՈՒ, 30 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ադրբեջանի նախագահ Իլհամ
Ալիեւը դրականորեն է գնահատում Ռուսաստանի ղեկավարության
քաղաքականությունը ղարաբաղյան հակամարտության կարգավորման
առնչությամբ:
«Մենք տեսնում ենք, որ Ռուսաստանի կառավարությունը անկեղծ
ջանքեր է ձեռնարկում հասնելու հայ-ադրբեջանական հակամարտության
խաղաղ կարգավորման»,- լրագրողներին ասել է Ալիեւը:
Նախագահը գոհունակություն է հայտնել ադրբեջանա-ռուսական
հարաբերությունների զարգացման մակարդակի առնչությամբ: «Մենք հասել
ենք Ադրբեջանի եւ Ռուսաստանի միջեւ բոլոր չլուծված խնդիրների
վերացման, եւ այսօր չի մնացել ոչ մի խնդիր, որ կարող է փչացնել մեր
հարաբերությունները: Ընդհակառակը, մենք շատ լավ նվաճումներ ունենք
տնտեսության, քաղաքականության եւ մշակույթի ոլորտում»,- ընդգծել է
Ի.Ալիեւը:
Միաժամանակ նա նշել է, որ Հայաստանի հետ լավ
հարաբերությունների առկայությունը չի խանգարում Ռուսաստանին
հաջողությամբ զարգացնելու հարաբերությունները եւ Ադրբեջանի հետ,
որոնք, ինչպես նշել է նա, այդ երկրի աշխարհաքաղաքական եւ
էներգետիկական կարեւորության շնորհիվ, շատ ավելի մեծ հեռանկարներ
ունեն,- հաղորդում է «Ինտերֆաքսը»: