ՍՓՅՈՒՌՔԱՀԱՅԵՐԸ ՎՍՏԱՀ ԵՆ ՀԱՅԱՍՏԱՆԻ ՔԱՂԱՔԱԿԱՆ ԵՎ ՏՆՏԵՍԱԿԱՆ
ԱՊԱԳԱՅԻ ՆԿԱՏՄԱՄԲ,- ԳՏՆՈՒՄ Է ՀԲ-Ի ԵՐԵՎԱՆԻ ԳՐԱՍԵՆՅԱԿԻ ՏՆՕՐԵՆԸ
27-10-2006 18:40:00 | Հայաստան | Տնտեսություն
ԵՐԵՎԱՆ, 27 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Վերջին տարիներին
Հայաստանում շարունակվում է արձանագրվել երկնիշ տնտեսական աճ,1 եւ
հետագայում այդ աճի կրճատման որեւէ պատճառ չկա: Նման կարծիք
հոկտեմբերի 27-ի ասուլիսում հայտնեց Համաշխարհային բանկի (ՀԲ)
Երեւանի գրասենյակի տնօրեն Ռոջեր Ռոբինսոնը:
Նշենք, որ սա իր առաքելությունը Հայաստանում ավարտած
Ռ.Ռոբինսոնի վերջին ասուլիսն էր, որը նոր նշանակում է ստացել
Ղրղզստանում: Իսկ Երեւանյան գրասենյակի նոր տնօրենը կնշանակվի
առաջիկա մեկ ամսում:
Ռ.Ռոբինսոնը նշեց նաեւ, որ Հայաստանում մի շարք ոլորտներում
դեռեւս բարեփոխումների կարիք կա, մասնավորապես մաքսային, հարկային,
հանրային ծառայությունների, քաղծառայության ոլորտներում:
Ռ.Ռոբինսոնը նշեց նաեւ, որ Հայաստանում իր պաշտոնավարման 4,5
տարիներին ՀԲ-ն ֆինանսավորել է 300 մլն դոլարի ծրագրեր, որոնց
իրագործմանը ՀՀ կառավարությունը արհեստավարժ մոտեցում է դրսեւորել:
Ըստ ՀԲ-ի ներկայացուցչի, արտերկրում եւ մանավանդ Ոուսաստանում
ապրող հայերը իրենց գումարները ներդնում են Հայաստանում, ինչը
նշանակում է, որ նրանք վստահ են Հայաստանի քաղաքական, տնտեսական
ապագայի նկատմամբ: