ՍԵՐԳԵՅ ԻՎԱՆՈՎԸ ՆՇԵԼ Է ՌՈՒՍ ԽԱՂԱՂԱՊԱՀՆԵՐԻ ԿՈՐՈՒՍՏՆԵՐԸ
ՎՐԱՍՏԱՆՈՒՄ
27-10-2006 17:27:00 | Ռուսաստան | Միջազգային
ՄՈՍԿՎԱ, 27 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Տասնհինգ տարվա
ընթացքում վրաց-աբխազական եւ վրաց-հարավօսական հակամարտությունների
գոտում զոհվել են 100-ից ավելի ռուս խաղաղապահներ:
Դաշնության խորհրդում կառավարական ժամի ընթացքում այսպիսի
հայտարարություն է արել Ռուսաստանի պաշտպանության նախարար Սերգեյ
Իվանովը:
Ըստ Սերգեյ Իվանովի, այսօրվա դրությամբ ռուս խաղաղապահները
ԱՊՀ տարածքում մասնակցում են երեք խաղաղարարական
գործողությունների: Վրաստանից բացի, խոսքը վերաբերում է նաեւ
մոլդովա-մերձդնեստրյան հակամարտության գոտուն:
Այսպես, Մոլդավիայի եւ Մերձդնեստրի հանրապետության
դիմակայության գոտում, ըստ Ս.Իվանովի, ընդգրկված են 400
զինծառայողներ, վրաց-աբխազական հակամարտության գոտում` մոտ 2 հազար
զինծառայողներ, ներառյալ 15-րդ խաղաղապահ բրիգադից մի գումարտակ,
որ ստեղծվել է 2005 թ. եւ ամբողջովին համալրված է
պայմանագրայիններով, իսկ վրաց-հարավօսական հակամարտության գոտում
ծառայողական առաջադրանք են կատարում մոտ 600 ռուս զինվորներ ու
սպաներ,- հաղորդում է ՌԲԿ-ն: