ԵՐԿՈՒՇԱԲԹԻ ՕՐՎԱՆԻՑ «ԱԶԱԴԼԸԳ» ԹԵՐԹԻ ԽՄԲԱԳՐՈՒԹՅՈՒՆԸ ՀԱՑԱԴՈՒԼ
Է ՍԿՍՈՒՄ
27-10-2006 13:55:00 | Ադրբեջան | Միջազգային
ԲԱՔՈՒ, 27 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 30-ին, ժամը
12:00-ին «Ազադլըգ» թերթի խմբագրատանը ԱԺՃԿ գործիչներն ու
ակտիվիստները հացադուլ կսկսեն ի նշան բողոքի ընդդեմ խոսքի
ազատության ճնշումների եւ խմբագրությունը զբաղեցրած տարածքից
վտարելու փորձերի: Ինչպես հաղորդում է «Էխո» թերթը, ակցիան
անցկացվում է ի պատասխան զբաղեցրած տարածքից խմբագրությունը
վտարելու սպառնալիքի:
Հիշեցնենք, որ պետական գույքի կառավարման պետական կոմիտեն
հայց է ներկայացրել Ադրբեջանի տնտեսական դատարան «Ազադլըգ» թերթի
խմբագրությանը շենքից վտարելու մասին: Դատական նիստը տվյալ
հայցադիմումի առնչությամբ կկայանա հոկտեմբերի 31-ին: