ԲԱՔՈՒ, 19 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հայտնի են դարձել մրցավարների անունները, ովքեր կսպասարկեն Ադրբեջանի եւ Հայաստանի երիտասարդական (U-19) հավաքականների միջեւ Եվրոպայի առաջնության 7-րդ խմբի ընտրական խաղը: Ինչպես հաղորդում է «Դեյ.ազը», հանդիպումը կդատի պորտուգալական բրիգադը Պերեյրա Գոմեշ Դուարտեի գլխավորությամբ: Սկզբունքային խաղը կկայանա առաջին փուլի շրջանակում, հոկտեմբերի 27-ին: Հանդիպումը կկայանա Լառնակա քաղաքի Անտոնիս Պապադոպուլոսի անվան ստադիոնում եւ կսկսվի ժամը 17:00-ին: Այդ նույն օրը ուժերը կչափեն Հունգարիան եւ Կիպրոսը:

---