ԹԱՏԵՐԱԿԱՆ ԳՈՐԾԻՉՆԵՐԸ ՆՇԵՑԻՆ ԱՆՎԱՆԻ ԴԵՐԱՍԱՆՈՒՀԻ ԼՈՒՍՅԱ
ՀՈՎՀԱՆՆԻՍՅԱՆԻ 80-ԱՄՅԱԿԸ
25-09-2006 19:00:00 | Հայաստան | Մշակույթ
ԵՐԵՎԱՆ, 25 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: ՀՀ վաստակավոր
արտիստուհի Լյուսյա Հովհաննիսյանի ծննդյան 80-ամյակին էր նվիրված
Թատերական գործիչների միությունում սեպտեմբերի 25-ին կայացած
հոբելյանական հուշ-ցերեկույթը:
ԹԳՄ նախագահ Երվանդ Ղազանչյանի խոսքերով, Լուսյա
Հովհաննիսյանը եղավ Ազգային առաջին թատրոնի ոսկե դարի վկան: Անվանի
դերասանուհին այն բացառիկներից է, ով բեմ է բարձրացել հայ թատրոնի
սյուների` Վահրամ Փափազյանի, Հրաչյա ներսիսյանի, Վաղարշ
Վաղարշյանի, Օլգա Գուլազյանի, Ավետ Ավետիսյանի հետ:
Դերասանուհին իր կեսդարայա բեմական գործունեության տարիներին
մարմնավորել է բազում դերեր: Դրանցից շատերը բռնել են ժամանակի
քննությունը եւ իրենց մնայուն տեղը գրվել հայկական թատրոնի
պատմության էջերում:
Դերասանուհու մարմանավորած Մաշան` «Կենդանի դիակ»-ում,
Շամիրամը` «Արա Գեղեցիկ»-ում, Հայաստանը` «Ղազարը գնում է
պատերազմ»-ում, Վոլունյան` «Կորիոլան»-ում եւ այլ դերերը մեծ
գնահատանքի են արժանացնել թատերագետների կողմից: «Նրա համար
գոյություն չունեին երկրորդական կամ գլխավոր դերեր: Բոլոր դերերը
նա խաղում էր մեծագույն նվիրումով ու սիրով»,- ընդգծեց
Ե.Ղազանչյանը:
նշվեց, որ հսկայական է եղել դերասանուհու ավանդը հայկական
հեռուստաթատրոնի եւ ռադիոթատրոնի զարագացման գործում, ուր նա
կատարել է մոտ 100 դեր: