ՎՐԱՑ-ՀԱՅԿԱԿԱՆ ՍԱՀՄԱՆՈՒՄ ՁԵՐԲԱԿԱԼՎԵԼ ԵՆ ԱՆՏԱՌԱՆՅՈՒԹԻ
ՄԱՔՍԱՆԵՆԳՆԵՐ
19-06-2006 14:55:00 | Վրաստան | Միջազգային
ԹԲԻԼԻՍԻ, 19 ՀՈՒՆԻՍԻ, ՆՈՅՅԱՆ ՏԱՊԱՆ: Վրաց սահմանապահները
Հայաստանին սահմանամերձ գոտում ձերբակալել են Վրաստանի չորս
քաղաքացիների: Ինչպես «Կավկազպրեսին» հայտնել են սահմանապահ
գերատեսչությունից, ձերբակալված քաղաքացիները զինված են եղել փոքր
տրամաչափի հրազենով եւ որսորդական հրացանով, տեղաշարժվել են երկու
բեռնատարներով, որոնց թափքը լցված է եղել անօրինական հատած
ծառերով: Ձերբակալվածներին հանձնել են տեղի ոստիկանությանը հետագա
քննության համար, իսկ հատված ծառերի մասին տեղեկացվել է Ախալցխայի
բնապահպանական տեսչությանը: Նախնական տվյալներով, ձերբակալվածները
անտառանյութի մաքսանենգությամբ են զբաղվել Հայաստանում: