ԲԱՔՎՈՒՄ ԳՈՐԾՈՒՄ ԵՆ ՄԱՆԿԱԿԱՆ ՊՈՌՆՈԳՐԱՖԻԱՅՈՎ ԶԲԱՂՎՈՂ
ՍՏՈՒԴԻԱՆԵՐ
07-06-2006 19:00:00 | Ադրբեջան | Միջազգային
ԲԱՔՈՒ, 7 ՀՈՒՆԻՍԻ, ՆՈՅՅԱՆ ՏԱՊԱՆ: Բաքվում կան մանկական
պոռնոգրաֆիայով զբաղվող ստուդիաներ: Այս մասին հայտնել է Երեխաների
իրավունքների ՈԿԿ-ների դաշինքի Ադրբեջանի ազգային կոորդինատոր
Նաբիլ Սեիդովը: Ըստ Ն.Սեիդովի, այդ փաստերը բացահայտվել են դաշինքի
իրականացրած մոնիտորինգի ժամանակ, եւ այդ փաստերը ներկայացվել են
Ներքին գործերի նախարարություն համապատասխան միջոցառումների
իրականացման համար: «Առաջին անգամ մանկական պոռնոգրաֆիայի տարածման
հարցը բարձրացվել է 2005 թվականին: Մեր կողմից կատարված
մոնիտորինգի արդյունքում բացահայտվել է, որ փողոցի երեխաների մի
մասը մշտապես ներգրավված է մանկական պոռնոգրաֆիայի մեջ: Այդպիսի
ստուդիայի գործունեությունը Բաքվում հաստատված է: Պարզ է դարձել
նաեւ, որ որոշ դեպքերում անչափահասներին ծնողներն են վաճառում
առանձին անձանց այդ բիզնեսով զբաղվելու համար»,- նշել է Ն.Սեիդովը: