ԲԱՔՈՒ, 2 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի սկզբին ծրագրված երեք երկրների տրանսպորտի նախարարների հանդիպումը, որի ընթացքում նախատեսվում էր քննարկել Բաքու-Թբիլիսի-Ախալքալաք-Կարս նախագծվող երկաթուղային հաղորդակցության մանրամասները, հետաձգվել է հունիսի վերջին, եւ կկայանա Թբիլիսիում: Այս մասին հաղորդում է «Դեյ.ազը»` վկայակոչելով Ադրբեջանի տրանսպորտի նախարար Զիա Մամեդովին: Ըստ Մամեդովի, Կիեւում ՎՈՒԱՄ-ի գագաթնաժողովում Իլհամ Ալիեւը հայտարարել էր, որ Ադրբեջանը միանշանակ շահագրգռված է այդ նախագծի իրականացմամբ եւ պատրաստ է ստանձնել ֆինանսավորումը: «Թբիլիսիում մենք կքննարկենք ֆինանսավորման սխեման եւ Վրաստանին կառաջարկենք ՀՁ ստեղծել, որի միջոցով կարելի է կարգավորել սակագները, Վրաստանի բաժնեմասը եւ այլն»,- ասել է Մամեդովը:

---