ԻԼՀԱՄ ԱԼԻԵՎ. «ԱԶԳԱՅԻՆ ՓՈՔՐԱՄԱՍՆՈՒԹՅՈՒՆ ԼԻՆԵԼ ՉԻ ՆՇԱՆԱԿՈՒՄ
ԱՆԿԱԽ ՊԵՏՈՒԹՅՈՒՆ ՍՏԵՂԾԵԼՈՒ ԻՐԱՎՈՒՆՔ ՈՒՆԵՆԱԼ»
31-05-2006 18:08:00 | Ֆրանսիա | Միջազգային
ՓԱՐԻԶ, 31 ՄԱՅԻՍԻ, ՆՈՅՅԱՆ ՏԱՊԱՆ: «Հայ-ադրբեջանական
հակամարտության ցանկացած խաղաղ կարգավորում հնարավոր է միայն
Ադրբեջանի տարածքային ամբողջականության շրջանակում»,- մայիսի 30-ին
Փարիզում ՆԱՏՕ-ի ԽՎ-ի գարնանային նստաշրջանի եզրափակիչ նիստում
հայտարարել է Ադրբեջանի նախագահ Իլհամ Ալիեւը:
Նա նշել է, որ Ադրբեջանը երբեք չի համաձայնի իր տարածքների
օկուպացմանը: «Ազգային փոքրամասնություն լինել ամենեւին չի
նշանակում անկախ պետության ստեղծման իրավունք ունենալ»,- ընդգծել է
Ալիեւը: Նա լսարանի ուշադրությունը հրավիրել է Հայաստանի ագրեսիայի
արդյունքում Ադրբեջանի տարածքի 20%-ի «օկուպացիայի» եւ հայրենի
վայրերից մոտ 1 մլն. մարդու արտաքսման վրա:
Բաքվի «Էխո» թերթը նշում է, որ իր ելույթում ՆԱՏՕ-ի ԽՎ-ի
ղեկավար Պիեր Լելյուշն ափսոսանք է հայտնել, որ Հայաստանի նախագահ
Ռոբերտ Քոչարյանը մերժել է Փարիզում ՆԱՏՕ-ի ԽՎ նստաշրջանին
մասնակցելու հրավերը: