ՄՈՍԿՎԱ, 31 ՄԱՅԻՍԻ, ՆՈՅՅԱՆ ՏԱՊԱՆ: Հունիսի 9-ին Մոսկվայում առաջին անգամ կանցկացվի «Մենք ռուսաստանցիներ ենք» ազգա-մշակութային հայրենասիրական միավորումների համառուսաստանյան համաժողով, որի կազմակերպիչը Ռուսաստանի ադրբեջանցիների ազգա-մշակութային դաշնապետական ինքնավարությունն է («ԱզերՌուս» ՌԱԱԴԻ): Համաժողովի անցկացման առիթը ազգային անհանդուրժողականության հողի վրա բռնության ալիքն է Ռուսաստանում, որը պետք է կանգնեցվի հասարակության եւ իշխանությունների համատեղ գործողություններով,- ինչպես հաղորդում է «525-րդ» թերթը, նշել են «ԱզերՌուս» ՌԱԱԴԻ-ում: Ֆորումի հիմնական նպատակն է Ռուսաստանի պետական իշխանության մարմինների, հիմնական կրոնական եւ գործարար հանրության հետ մշակել էթնոքաղաքական խնդիրների լուծման գործում հասարակական միավորումների փոխգործակցության համատեղ ծրագիր: «ԱզերՌուսից» բացի, համաժողովի հիմնական նախաձեռնողներն են եւս երկու համառուսաստանյան հասարակական շարժումներ` «Ռուսական վերածնունդ» եւ «Փոխգործակցություն»:

---