ԿԻԵՎ, 14 ԱՊՐԻԼԻ, ՆՈՅՅԱՆ ՏԱՊԱՆ: Ուկրաինայի մայրաքաղաք Կիեւում անցկացված քիք-բոքսինգի միջազգային խոշոր մրցաշարում հաջող հանդես եկան Հայաստանի ներկայացուցիչները: Նրանցից 3-ը իրենց քաշային կարգերում, հաղթելով բոլոր մրցակիցներին, առաջին մրցանակ նվաճեցին: Միջազգային մրցաշարի հաղթողներ դարձան Վարուժ Մանուկյանը (53 կգ քաշային կարգ), Արթուր Արշակյանը (64 կգ) եւ Գագիկ Բադալյանը (87կգ): Այժմ Հայաստանի մարզիկները նախապատրաստվում են մայիսին Հունաստանում կայանալիք աշխարհի առաջնությանը:

---