«ԵՎՐԱՏԵՍԻԼ-2006» ՄԻԱՋԱԶԳԱՅԻՆ ԵՐԱԺՇՏԱԿԱՆ ՓԱՌԱՏՈՆՈՒՄ
ՀԱՅԱՍՏԱՆԸ ԿՆԵՐԿԱՅԱՑՆԻ ԱՆԴՐԵՆ
23-01-2006 17:20:00 | Հայաստան | Մշակույթ
ԵՐԵՎԱՆ, 23 ՀՈՒՆՎԱՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Աթենքում
կայանալիք «Եվրատեսիլ-2006» միջազգային երաժշտական փառատոնում
առաջին անգամ Հայաստանը կներկայացնի 2004-2005 թթ. լավագույն
երգիչ ճանաչված Անդրեն: «Եվրատեսիլում» Անդրեն անգլերեն լեզվով
ներկայացնելու է Արմեն Մարտիրոսյանի «Մնա ինձ հետ» երգը:
Նշենք, որ Հայաստանի Հանրային հեռուստատեսությունն անցած տարի
դարձել է Եվրոպական հեռարձակողների միության անդամ, ինչից հետո էլ
ստացել է փառատոնին մասնակցելու հրավեր: Հայաստանը դարձել է 38-րդ
երկիրը, որը մասնակցում է «Եվրատեսիլին»: